عرض مشاركة واحدة
قديم 05-20-2016, 10:12 AM   #17


الصورة الرمزية Jno0on
Jno0on غير متواجد حالياً

بيانات اضافيه [ + ]
 رقم العضوية : 2435
 تاريخ التسجيل :  May 2016
 أخر زيارة : 06-13-2016 (6:16 AM)
 المشاركات : 748 [ + ]
 التقييم :  19
 الدولهـ
Saudi Arabia
 الجنس ~
Female
 SMS ~
لوني المفضل : Deeppink
مزاجي:
افتراضي رد: رواية؛ انت نبض قلبي وسلطانه / بقلمي ..!



# البارت السابع؛)
..
مشاعل متنحه مو مستوعبه الي تشوفه !
بشاير تدقها: هيه ياهبله شفيك؟؟
مشاعل تأشر على مشعل: تشوفون الي انا اشوفه؟
بشاير و رغد ناظروا للمكان الي تأشر عليه وشهقوا بقوه !
رغد: مشعل!!
بشاير: لا ماصدق ..من متى اخوك يدخن؟؟
مشاعل: مادري ..اقول لأبوي ومشاري ولا لا؟؟
بشاير : طبعاً لا يا هبله !! اذا قلتي لهم بيعرف مشعل انك جيتي للمدرسه وشفتيه ! ولا كيف بتعرفين انه يدخن !!
مشاعل: عادي اقولهم اني شفت سجاير بغرفة نومه !
رغد: لا ياهبله خلاص انسي الي شفتيه وخلينا نروح نكتشف المدرسه!
مشاعل تتنهد: اوك !
راحوا الثلاثي يكتشفون المدرسه ومشعل بعد ماخلص السجاره رماها وداس عليها
وطلع عطر من جيبه تعطر و صعد للفصل ودخل ..
الاستاذ: وين كنت ؟
مشعل بكذب: بدورة المياه وانت بكرامه !
الاستاذ: زين اجلس مكانك وثاني مره لا تتأخر على الحصه !
مشعل: ان شاء الله ..
راح جلس جنب الوليد ..
الوليد داخ من ريحته: اويلي ! كنت تدخن بدوني؟؟
مشعل ابتسم وماعلق ..
الوليد: ريحة عطرك تدوخ شسمها؟
مشعل همس: جادور !
الوليد: ايش جدار؟؟
مشعل: جدار تصقع راسك المصدي فيه ! اقولك جادور يامال الجدري !
بدر كان وراهم سمع كلام مشعل وفطس ضحك !
الوليد: اسم الله علي يا كلب لا تدعي كذا !
مشعل: كل تبن !
..
طلع مشعل كتاب الرياضيات وجلس يشخبط في الكتاب ..
..
في مدرسة البنات الثنوية؛)
الجوري تسولف مع نور بالكتابه على الورق
" اقولك ماصدقت عيوني لما شفتها شهقت بقوه وحضنتها ! "
نور " جد؟ الجازي بنت خالي زوجة عمك خالد وحامل بعد؟"
الجوري" ايه والله ..وخالد ميت فيها! "
نور" اشتقت لها هالوصخه بجي بيتكم ابي اشوفها !"
الجوري" حياك الله تعالي بكره لأن اليوم بنشغل بذاكر تاريخ"
نور" اوكى..خلاص لا تكتبين شي خل نركز شوي بالشرح "
الجوري"شرح فاشل "
نور ضحكت بخفه ..وصاروا يستممعون لشرح الجغرافيا!
..
في مدرسة البنات المتوسطة؛)
سميه بستغراب: يابنت ! مشاعل و رغد ليه غايبين؟
وعد: الهبالات رايحين مدرسة الشباب الثنويه!
سميه شهقت بقوه: حلفي!
وعد: ايه والله حاولت امنع رغيد الهبله لكن تعرفينها تمشي ورا مشاعل بالشينه قبل الحلوه!
سميه: الله يهديهم عسى ماينفضحون !
وعد:لا ان شاء الله ماحد يعرف انهم بنات ..الا اقول حليتي واجب العلوم؟
سميه: ايه وانتي؟
وعد: والله نسيت ..هاتي بحله منك !
سميه تطلع الدفتر وتمده لها ..اخذته وصارت تحل الواجب ؛)
..
طبعاً كانوا بحصة انتظار ..مدرسة الانجليزي غايبه !
.
.
في الولايات الأمريكية المتحدة ..
كانت روز بس تبكي مو راضيه تنام !!
جواد يهزها بضجر: هيه يابنت خلاص سكتي !!!
روز متواصله في البكي!
تأفف ..طلع جواله واتصل على ميرا !
ميرا بصوت نعسان: helo
جواد بالانجليزي: روز لا تتوقف عن البكاء !!
ميرا تتثاوب: لابد انها جائعه !
جواد: قد شربت الحليب !
ميرا: هل غيرت الحفاظ؟؟؟
جواد: ماذا؟؟ لا لم اقم بذلك!
ميرا: ياللهي !! ماذا تنتظر هيا قم وبدل حفاظها!
جواد بقرف: حسناً !!
..
"انتهت المحادثه" ..
ميرا رجعت للنوم اما جواد فسخ روز فستانها الوردي وغير حفاظتها وكانت ريحتها جداً كريهه !!
..
تعريف بـ جواد؛)
شاب جميل عمره 26 سنه يدرس في امريكا ..شقيق انور ونور ..عصبي ويكره الأنتظار !!
مواصفاته؛ طويل , اسمر , عيونه عسليه , صوته جوهري !

.
.
بعد ماغير لها الحفاظ ..صار ينزها واخيراً هدت ونامت !
وهو كذلك نام بعد مافرش اسنانه !
ويفكر بالأيام الجايه مع روز !
..
نرجع لـ سعوديتنا الحبيبة تحديداً في الرياض
في بيت بو طلال"
كانت جالسه تتفرج على الـ t.v
رن موبايلها ..كتمت صوت الـ t.v و ردت : هلا !
خالد: يا أهلين ..الجازي حبيبي جهزي نفسك بعد صلاة الظهر !
اخواني بيجون البيت يتغدون معانا وبالمره يتعرفون عليك!
الجازي بستغراب: عندك اخوان غير بو طلال؟
خالد: ايه حبيبتي عندي !! وابيك بعد صلاة الظهر تجهزين نفسك مابي يشوفونك بشكل عادي بأول لقاء بينكم ..فاهمتني حبيبتي؟
الجازي: ان شاء الله حبيبي الي تبيه راح يصير !
خالد: يا فديتك والله !
ابتسمت الجازي .."انتهت المحادثه "
وكملت الجازي مشاهدة المسلسل التركي ..
,,
في مدرسة الشباب الثنوية"
ضرب جرس الفسحه ..كل الطلاب طلعوا من فصولهم !
بالمقصف؟ مشعل وانور و الوليد وبدر ..اشتروا لهم الي يبغون و راحوا ورا المدرسه ياكلون !
بدر يناظر مشعل و انور: بصراحه انتوا اغرب اولاد عم !
مشعل: ليه؟؟
بدر: مابينكم أي كلام وتواصل ! فجاءه بدون مقدمات يطلب انور انه يتعرف عليك ويكون صاحبك !
ابتسم مشعل: ماعليك تحصل في ارقى العوائل!
بدر: خير ان شاء الله!
الوليد: انور انت ماعندك اصحاب؟
انور تذكر بسام وتوجع قلبه ..تنهد: لا !
الوليد: غريب ! عمرك 18 سنه وماعندك اصحاب !
ابتسم انور بهدوء وما قال شي !
مشعل يربت على كتف انور: ماعليك ياولد العم احين صرنا اصحاب ومايفرقنا الا الموت !
انور : الله يخليكم لي !
مشعل: امين ياولد عمي !
,,
مشاعل و بشاير و رغد قربوا منهم وبجراءة !
: السلام عليكم !
مشعل: ياهلا وعليكم السلام !
مشاعل: نبي نتعرف يالمزيون !
مشعل يعقد حواجبه: تتعرفون؟ ليه انتم مو معنا بالمدرسه؟
بشاير ترقع : احنا طلاب جدد بفصل ثاني ادبي!
مشعل يناظر انور: معاك بالفصل؟
انور بستغراب : لا !
مشعل: مين انتم ؟؟
مشاعل: انا مشاري وهذا خويي بشار وهذا مهند !
مشعل: تشرفنا! انا مشعل وهذا وليد وهذا انور وهذا بدر !
مشاعل: الشرف لنا وعاشت الأسامي!
مشعل: تعيش ايامك يا مشاري!
مشاعل: بصراحه احنا طلاب من المتوسطه لقينا نفسنا طفشانين وجينا نكتشف المدرسه الي بندرس فيها !
بشاير: خوش مدرسه والله!
بدر: شلون دخلتوا المدرسه؟؟
بشاير: من الباب ياذكي!
بدر عقد حواجبه !
مشاعل دقت بشاير وضحكت: ماعليك بشار يحب يمزح ويقط الميانه بسرعه!
بدر: هه يا هلا !
مشعل: اجل تدرسون بثالث متوسط؟
مشاعل: ايوه على السنه الجايه بنكون أول ثنوي !
مشعل: الله يوفقكم !
مشاعل: اجمعين ؛)
بشاير: شرايكم تورنا المدرسه ؟؟ وتورنا فصلكم ؟
مشعل : اوكى قوموا شباب !
كلهم وقفوا ..و مشعل وانور متقدمينهم و وراهم كل شي بالمدرسه !
لين ضرب الجرس وخلصت الفسحه !
رغد: ماشاء الله مدرستكم حلوه !
بشاير: أيه احلى من متوسط !
مشعل : عيونكم الحلوه ..عن اذنكم بنروح فصلونا !
مشاعل: الله معاكم احنا شوي وطالعين لبيوتنا !
مشعل: خير ان شاء الله!
..
مشعل وبدر والوليد راحوا لفصلهم!
انور راح لـ فصله!
اما الثلاثي راحوا السطح ..وفتحوا الثممه وجلسوا يشربون عصير ليمون اشتراه من قبل مايضرب الجرس !
رغد تشرب: يميم طعمه لذيذ !
بشاير: ياختي مدرستهم تفتح النفس مو مثلنا!
مشاعل: اخ ايه والله حيل حلوه !
بشاير: ليتني ولد وادرس معاهم !
مشاعل: كان نفلها والله!
رغد: بنات تتوقعون وعد وسميه ونوف شيسون؟
مشاعل: مادري والله اكيد يدرسون !
رغد: هه مساكين !
بشاير: احلى شي بكره الجمعه مافيه دراسه !
مشاعل: ايه والله !
سكتوا لـ سبع دقايق ..فجاءه مشاعل انفجرت ضحك وصار وجها احمر !
رغد: بسم الله الرحمن الرحيم..شفيك ياهبله؟؟
مشاعل تمسح دموعها : تذكرت شكل ابله نوره وهي ترفع تنورتها وتركض !
بشاير : شسالفه؟
مشاعل ضحكت وقالت لها السالفه !
بشاير: ههههه اما عاد هذه حدها تحفه مره شافت عصفور وصارت تصرخ وطلعت بره الفصل ..اسبوع كامل البنات يتمسخرون عليها!
مشاعل: ههههههههههه هبله والله !
رغد : انتي الهبله ! ماراح تنسين شكلها وهي تركض ابد ! اشك انك بتزوجين وبتقولين لزوجك وعيالك !
مشاعل تضحك وعيونها تدمع !
على طاري الزواج ؟ بشاير تذكرت مشاري ودمعت عيونها !
لا تنصدمون؟ تحبه من ثلاث سنوات لكن مايدري عن حبها!
ياترى بينكشف هالحب ولا لا؟؟
..
راحت بذاكرتها قبل ثلاث سنوات؟
" كانوا مسافرين لـ الأمارات ..
بشاير: ابي اروح البقاله!!
بدر: مو فاضي لتس شوفي احد غيري !
بشاير: اوف مشاري خذني البقاله !
مشاري: طيب شوفي طلبات البنات وتعالي اوديك !
بشاير فرحت وراحت للبنات تسألهم شنهو يبغون من البقاله !
كتبت طلباتهم بورقه ..بعدها راحت مع مشاري ركبوا الأصنصير !
نزل طابق واحد ..وفجاءه طفت الكهرباء وطفى الاصنصير !
بشاير شهقت: يمه !!
مشاري مسك يدها : لا تخافين شكلها الكهرباء طفت !
بشاير: اويلي لايكون تطول وهي مطفيه؟
مشاري يشد على يدها: لا ان شاء الله لا !
..
مرت عشر دقايق والكهرباء طافيه ..بشاير صارت تحس بحراره وضيقه !
: حر مشاري حيل حر !!
مشاري تنهد وماقال شي!
بشاير : انا خايفه ماتشتغل الكهرباء الا بعد ساعه !
مشاري: لا ان شاء الله شوي وتفتح !!
مرت ربع ساعه وهي طافيه !!
بشاير صارت عيونها تدمع: مشاري !
مشاري: هلا؟
بشاير : انا بموت خلاص ..انكتمت والله !
مشاري: اسم الله عليك..ذكري الله واشوي وتفتح الكهرباء !
بشاير صارت تذكر الله !
: لا الله الا الله ..
مشاري كان يتمنى لو نور هي الي بالمصعد معاه مو بشاير !!
مرت عشر دقايق زياده على الربع ساعه وفتحت الكهرباء!
بشاير من الفرحه حضنت مشاري وباست خده !
مشاري تصنم لكن استوعب انها مثل اخته وضحك عليها !
راحوا لـ البقاله وشروا كل شي نفسهم فيه و رجعوا للفندق ومن ذاك اليوم وبشاير بس تفكر في مشاري !
..
فاقت من ذكرياتها على صوت الجرس ..
تنهدت وبخاطرها" الله يسعدك يا مشاري..صح احبك لكن اتمنى لك السعاده معاي ولا بدوني ..ونور تستاهل كل خير ..الله يهنيكم "
..
في فصل انور؛)
مدرس الانجليزي: يا شباب شرايكم اشرح الدرس بالسطح؟
الشباب: ايه استاذ ايه !
المدرس: ياسلام عليكم ..يالله يا انور خذ اللوحه والأقلام على السطح
وانت يا محمد وهاشم خذوا البساط للسطح !
..
صعد انور للسطح ..وتصنم مكانه وهو يشوف هالبنات الثلاثه !
: احمم !!
رغد شهقت بقوه وبسرعه تلثمت وكذلك مشاعل وبشاير!
انور: بنات ! شتسوون بمدرستنا؟؟
مشاعل متلعثمه: اءء انور اقصد امم !!
انور بستنكار: مين انتي ؟ تعرفيني؟؟
مشاعل: لا لا ..تكفى لا تقول لأحد انك شفتنا!
انور بحيره: طيب ترى الطلاب ومدرس الانجليزي اشوي وجاين !
مشاعل شهقت: اويلي انتي وياها بسرعه تعالوا وراي؟؟
نزلوا لتحت ..وراحوا المدرسه
بشاير: اخ كنا بنروح فيها!
مشاعل: الحمدالله انور ولا مشعل ولا بدر !
رغد: اويلي لو كان وليد كان ذبحني!
مشاعل: الحمدالله ..الله ستر ولطف !!
رغد: توبه توبه اسمع كلامك واجي معاك لذا المدرسه !
مشاعل: اووش ! اول مايضرب جرس انتهاء الدوام ..على طول بنطلع ونهج لـ مدرسة البنات وناخذ الشنط وننلبس العبايات ونركب الباص !
بشاير: اخ يا مشيعل ! والله اخر مره انهبل واجي معاك لأي مكان من ورا اهلنا !
مشاعل: اوش كلي تبن خلاص ما صار شي!!
..
في شركة بو طلال؛)
بو طلال جمع كل الموظفين في المكتب : ماشاء الله هذا هو الملف لكن الأوراق وينها؟؟
حامد: مادري طال عمرك !
بو احمد: ياطويل العمر انت ليش ماتركب كيمرات مراقبه بالشركه ؟؟
بو طلال: كيمرات ؟؟
حامد: صح كلام العم بو احمد ركب كيمرات ! احنا الموظفين ماراح نتعدى عليك بالسرقه لكن ماتدري عن عيال الحرام ! والي سرق الأوراق الي بملف هذا يمكن بعدين يسرق اشياء اكبر واكبر !
بو احمد: صح كلام حامد يا طويل العمر !
بو طلال: والله راحت عن بالي فكرة الكيمرات ! خلاص يا حامد شوف أي واحد يركب لي كيمرات يجيني اليوم بعد صلاة المغرب!
حامد: تم طال عمرك!
بوطلال: يالله كل واحد يرجع لشغله !!
..
كل واحد رجع لـ شغله وبوطلال يفكر في الي سرق الأوراق !
كانت اوراق جداً مهمه !!
ولو عرف الي سرقهم ماراح يرحمه ابد !!
..
في شركه ثانيه ؛)
كانت بيده الأوراق يناظرهم ويبتسم بخبث: والله وبتروح فيها ياسلمان وهالصفقه بتصير من نصيبي مو كل مره تكون انت الرابح !
يوم عليك وعشره عليك هه !
..
حط الأوراق بملف احمر ومسك الكوب يشرب شاي بالحليب !
,,
على الساعه الواحده مساءً !
ضرب جرس انتهاء الدوام ..طلعوا الثلاثي المرح من المدرسه !
وراحوا لمدرسة البنات !
كل وحده خذت شنطتها ولبست عبايتها ..وركبوا الباص!
..
في بيت بو طلال؛)
الجازي صلت وقرت قرأن ..بعدها تروشت ولبست ؟

حطت لها مناكير وردي ..واستشورت شعرها ..وتعطرت وحطت لها مسكره وكحل وروج وردي ..
وصارت جاهزه للعزيمه ..
نزلت لتحت وشبت البخور وبخرت البيت؛)
على الساعه 2:00مساءً !
اجتمعوا اخوان سلمان !!
,,
عبدالله:بو ركان اكبر من سلمان بثلاث سنوات ..عنده ولدين وثلاث بنات !
فاطمه: ام ركان ..ربة منزل ..طيبه وحنونه ..!

عيالهم"
ركان: شاب وسيم..عمره 25 سنه ..من صغره يقولون انه لـ الجوري والجوري له !
مواصفاته: اسمر , طويل , عيونه سوداء ,
..
روان: شابه جذابه ..عمرها20 سنه ..مخطوبه لصاحب ركان ..تدرس في معهد للحاسب !
مواصفاتها ؛ طويله , بيضاء , عيونها عسلي ..
,,
رزان : شابه متوسطة الجمال ..عمرها 17 سنه , تدرس بثاني علمي ,حلمها تكون مدرسة رياضيات!
مواصفاتها: متوسطة الطول , شعرها طويل , عيونها عسليه !
,,
ريان:شاب مراهق عمره15 سنه , يدرس بثالث متوسط !
مواصفاته: طويل , اسمر , عيونه عسليه !
,,
ريمان: اخر العنقود , عمرها خمس سنوات , تدرس بالروضه ..
مواصفاتها: بنوته حلوه كيوته؛)

..
سعود: بو غزلان ! متزوج سوريه !
ريم : ام غزلان , عمرها 37 سنه !
..
غزلان: البنت الوحيده , عمرها14 سنه , تدرس بثاني متوسط ! دلوعة ابوها !
مايرفض لها طلب مهما كان ! لأنها بنتهم الوحيده !
..
مواصفاتها:سنفوره ..شعرها طويل ..عيونها خضراء !

..
العمه زينب؛)
ام كسار : راعية مشغل ..جميله ..وعندها ذوق ! زوجها متوفي من سنه ونص !
عيالها"
كسار: شاب جميل ..متزوج اخت صاحبه ..عمره 27 سنه ..
مواصفاته؛ طويل ..مزيون ..عيونه عسليه !
..
كيان: البنت الدلوعه عمرها 14 سنه ..تدرس بثاني متوسط !
مواصفاتها: طويله ..بيضاء ..عيونها بني فاتح ؛)

..
بعد السلام والسؤال عن الحال !
الجازي : تفضلوا يا جماعه الغداء جاهز !
ام كسار : زاد فضلك حبيبتي !
..
راحوا يتغدون !
الحريم والبنات في غرفة الطعام
الرجال والشباب في المجلس ؛)
غزلان تهمس لـ كيان: شو بتجنن الجازي ..كتير مهضومه !
كيان : ايه فديته خالي خالد عنده ذوق بكل شي !
الجوري: احم سمعوني !
ام ركان: شفيك حبيبتي نسمعك؟
الجوري: الجازي زوجة عمي خالد ..حامل !!
ام ركان : والله؟ مبروك حبيبتي الله يتمم عليك !
ام غزلان: يا حياتي الله يهنيك !
ام كسار: مبروك يالجازي ان شاء الله بنت حلوه تشبهك !
الجازي : الله يبارك فيكم !
..
كملوا الغداء ..
وبعد الغداء ..راحوا بالحوش جلسوا يشربون شاي وياكلون فصفص
ويتعرفون على الجازي اكثر !
..
الجوري : الجازي تذكرين نور بنت خالك؟
الجازي: ايه فديتها شخبارها؟
الجوري ببتسامه: الحمدالله بخير وتراها ملكت يوم الجمع هالي طاف !
الجازي: يازينها باركي لها عني وقولي لها ابي اشوفها!
الجوري: ان شاء الله راح تجي البيت بكره !
الجازي: لها وحشه والله !
..
استمروا بالسوالف؛)
غزلان: كيان ياختي ملل !
كيان تثاوب: بقوه ملل..شنسوي؟؟
غزلان: مابعرف ..تعي نتسابق !!
كيان : اوكى !
..
راحوا ثنتينهم يتسابقون !
..
بعدوا عن الحريم والبنات !
وهي تركض وتبي تسبق كيان ..صقعت في ...!
زيد: بسم الله شفيك تركضين كذا؟؟
غزلان : انا كيان عم نتسابق !
زيد: فاضين !
غزلان: ولك طفشانين ..يالله بعد خليني اسبقها !
زيد: اوك يا طفشانه !!
..
راحت تركض وفعلاً سبقت كيان ..!
غزلان: ياي سبئتك ..ايوه بدك تنفزي طلبي ؟؟
كيان: وشو طلبك؟
غزلان: اممم بدك تغني لي ؟
كيان انصفق وجها: اغني لك؟؟ صوتي مو حلو !
غزلان : مادخلني بدك تغني لي ..عينها بعيني !!
كيان : اوك ..احم احم ..
عينها بعيني اشكره وقلبها عن حالي مادره
اني ابيهااا؟
لو تمر خطوه لو تمر ما كان في بالي بندمر؟
رحت فيهاا !
..
كان تغني ..وماتدري عن الي ذايب على صوتها!
..
زيد يهف راسه: يا هيه لا تفهي !
: احم صوتها حلو !!
زيد: حلو بس مو ذاك الزود !
: اووص خلني اسمع؟؟
زيد بملل: اوك !
..
رن جوال رزان ؟
راحت بعيد عنهم وردت بهدوء
: الو ؟
: احلى الو ..اخبار رزونتي؟؟
رزان : انا زعلانه !
: افا الحب زعلان مني ليه؟؟
رزان : ليه رسلت صوتك لـ رشا؟؟
ابتسم: تغارين؟؟
رزان : شرايك يا سيد سامر؟؟
سامر : هممم انتي قولي !!
رزان : اغار!!
سامر : وه فديتها انا !!
رزان بضيق: سامر تكفى ابتعد عن رشا !!
سامر : امم اوك حبيبي !
رزان : اتمنى انك جد تبتعد عنها لأنها راعية شباب !
سامر: وانتي؟
رزان : انا ماعمري كلمت الا انت !
سامر: جد؟
رزان : جد يا حبيبي جد!
..
كانت داخله البيت تبي تحط جوالها يشحن سمعت كلام بنت عمها وانصدمت حيل !!
..
انتهى البارت السابع؛)
توقعاتكم؟
اختكم: همس الخفوق
2016م


 

رد مع اقتباس